Hér er allt að gerast!

Eftir mjög svo rólega viku byrjaði skólinn í morgun og ég var að enda við að BÓKA MÉR FAR TIL CANNES Í NÓVEMBER!

Fyrst London með bestu vinkonunum og m.a.s. Atla bróður og svo Cannes með Röskvusnillunum Bergþóru, Sigfúsi, Höllu (staðfest) og Brynju Huld! Mig langar til að hraðspóla yfir næsta mánuð!

Ég er samt líka mjög spennt að byrja almennilega í skólanum og fá loksins, loksins að takast á við eitthvað annað en hversdaginn. Nú þarf ég líka að vera megasega dugleg að læra svo að ferðalagið bitni ekki á náminu.

Ég er í semi-meistaramánuði og hef ekki borðað nammi/ís/snakk/brauð/pasta í að verða 3 daga núna. Ég held að slíkt hafi ekki gerst síðan ég hætti á brjósti. Þá er ég aðallega að tala um að neyta ekki brauðmetis. Brauð er svo einfalt og brauð er svolítið mikið lífið í Þýskalandi. Mér líður hinsvegar ekki eins og bombunni sem mér líður vanalega og þarf að byrja að borða hollt og hreyfa mig. Ég ætla ekki að vera einhver fitubolla þegar ég hitti vinina aftur!

Annað markmið mánaðarins er að læra eitt nýtt þýskt orð á hverjum degi og nota sem og að lesa eitthvað á þýsku á hverjum degi. Og skrifa eitthvað í bókina mína góðu á hverjum degi svo að einn daginn ljúki henni.

Ég er mjög dugleg að elda. Allavegna duglegust af þeim sem búa með mér á 6. hæð, ég er alltaf ein í eldhúsinu! Ég er að vinna mjög mikið með kjúkling og grænmeti. Um leið og ég kaupi mér svo nógu gott box til að geyma t.d. súpu í ætla ég að elda einhven lúxus og eiga. Ég keypti mér nefnilega þetta líka fína pottasett með lúxus hnífum, bambus skurðbretti og lélegri pönnu. Þvílík vonbrigði sem panna án teflons var. En þvílíka hamingju sem hnífurinn færði mér! Nú get ég farið að verða gourmet-kokkurinn sem ég stefni á að verða í framtíðinni.

Ég skildi allt sem fram fór í tíma í morgun, en prófessorinn talaði líka mjög hægt og skýrt enda um inngangskúrs fyrir skiptinema að ræða og viðfangsefni sem ég hef lært áður. Ég var aðeins minna stressuð fyrir þessu öllu þegar ég sá hvar margir Ítalirnir og Spánverjarnir í hópnum voru staddir tungumálalega séð...hvernig þeir ætla sér að ná þessu hef ég ekki hugmynd um.

Í dag fékk ég svo loksins staðfest hvernig fríinu mínu í febrúar og mars er háttað. Ég er s.s. í algjöru fríi þessa tvo mánuði. Það er svolítið steikt eitthvað, hvað á ég að gera við þessa mánuði? Ég hugsa að ég ferðist eitthvað um Evrópu og hitti allskonar vini í mismunandi löndum (heimboð vel þegin kidz) en það kostar líka einhverja peninga. Allar hugmyndir að snilld til að gera vel þegnar!

Það er mjög skrýtið að byrja svo nýja önn 1. apríl sem endar svo í júlí.

Þetta er blogg upphrópananna! Ég er líka mjög spennt! Allt að gerast!