Í gær fékk ég sent millistykki sem ég pantaði á ebay þannig að netið mitt virkar í herberginu mínu (það er svo alltof lítið mál að versla svona á netinu, þetta gæti orðið mjög hættulegt!) og ég keypti mér loksins hjól. Ég hefði náttúrlega átt að vera löngu búin að því en batnandi konu er best að lifa og betra er seint en aldrei o.s.frv. Ég hlakka núna afar mikið til að hjóla um alla Münster og kanna hvern krók og kima. Fyrst þarf ég hinsvegar að fara í smá ferð sem hefst á hádegi í eitt brugghús hér rétt fyrir utan bæinn.

Um helgina fer ég svo til Frankfurtar að hitta foreldra mína. Frekar óvænt, ákvað það bara í gær og fann mér far - það verður heldur betur fínt að eyða fyrsta í aðventu með þeim tveimur í stórborginni.

Mér tókst að fara framúr fyrir kl. 9 í dag án þess að þurfa þess.
Mér er boðið í partí í vikunni.
Ég fór út að hlaupa í gær.
Ég myndi segja að hér væri allt á réttu róli. Fyrir utan hvað tíminn líður hratt þegar maður hefur svona gaman og þá styttist bara enn meira í heimkomu.

Sko. Ég á heima hérna, ef það vekur áhuga einhvers *hinthint* híhí: (já, ég er 13 ára)

Steinfurter Straße 81, Z. 610
48149 Münster
Þýskaland

Nei ég segi bara svona.

Nú ætla ég að hætta þessu og taka úr vélinni. Það er smá erfitt að hafa engar þvottasnúrur og eiga ekki þvottagrind og búa í 10fm herbergi þegar flíkur mega ekki fara í þurrkara. Ég vænti þess ekki að margir tengi.

Daglegu lífi Brynhildar-færslunni er nú lokið.